Fahamu sababu za kutokwa na Damu nyingi baada ya kujifungua

​PPH ni upotezaji wa damu nyingi kupita kiasi (zaidi ya 500ml kwa uzazi wa kawaida au zaidi ya 1000ml kwa upasuaji) ndani ya saa 24 baada ya kujifungua.

​Hizi hapa ni sababu kuu nne zinazofahamika kitaalamu kama "The 4 Ts":

​1. Tone (Ulegevu wa Uterus) — Inasababisha 70% ya PPH

​Hii hutokea wakati misuli ya mfuko wa uzazi (uterus) inaposhindwa kujikaza (contract) baada ya kondo la nyuma kutoka. Kazi ya contractions ni kubana mishipa ya damu ili kuzuia uvujaji.

​Sababu: Uchungu wa muda mrefu sana, kubeba mapacha, mtoto mkubwa sana, au kuwa na maji mengi ya uzazi (polyhydramnios).

​2. Tissue (Mabaki ya Tishu)

​Hii hutokea wakati sehemu ya kondo la nyuma (placenta) au mabonge ya damu yanapobaki ndani ya mfuko wa uzazi. Mabaki haya yanazuia uterus kujikaza vizuri, hivyo damu inaendelea kuvuja.

​3. Trauma (Majeraha)

​Uharibifu wa njia ya uzazi wakati wa mchakato wa kusukuma mtoto.

​Mifano: Kuchanika kwa mlango wa uzazi (cervix), uke (vagina), au msamba (perineum). Hata kupasuka kwa uterus (uterine rupture) kunaangukia hapa.

​4. Thrombin (Matatizo ya Mgando wa Damu)

​Hii ni nadra zaidi. Inatokea wakati damu ya mama inaposhindwa kuganda vizuri ili kuziba jeraha la kondo la nyuma. Hii inaweza kusababishwa na matatizo ya kurithi au hali kama pre-eclampsia kali.